"ბარსელონას" მიერ დახარჯული 139 მილიონი ევრო დაცვის გასაძლიერებლად
საინტერესო სტატიას გვთავაზობს გავლენიანი მადრიდული გამოცემა Marca, რომლის მიხედვითაც "ბარსელონამ" ბოლო 3 წელიწადში დაცვის გასაძლიერებლად 139 მილიონი ევრო დახარჯა.
პირველი მატიე იყო. ფრანგი მცველის სანაცვლოდ კატალონიელებმა "ვალენსიას" 20 მილიონი ევრო გადაუხადეს. შემდეგ კი ვერმაელენი და დუგლასი, შესაბამისად 19 და 4 მილიონი ევროს სანაცვლოდ. ჟერემი უკვე "სპორტინგის" ფეხბურთელია, ვერმაელენი და დუგლასი კი იჯარის შემდეგ გუნდს დაუბრუნდნენ და ასევე წასვლის კანდიდატებიც არიან.
შემდეგი ალეიშ ვიდალია, რომელიც "ბლაუგრანას" "სევილიამ" 19 მილიონი დაუფასა.
ამის შემდეგ იყო ბოლო წლების ერთ-ერთი საუკეთესო შენაძენი "ლიონიდან". სამუელ უმტიტი 25 მილიონ ევროდ.
ჟორდი ალბას სათადარიგო მოთამაშე ლუკა დინში კატალონიელებს 16 მილიონი ევროს გადახდა მოუწიათ.
მიმდინარე ზაფხულში კლუბმა მარლონისთვის 6 მილიონი ევროც დათმო.
რამდენიმე დღის წინ კი კლუბმა ოფიციალურად დაადასტურა ნელსონ სემედუს ტრანსფერი, რომელიც 30 მილიონი ევრო დაჯდა, 5 მილიონიც ბონუსების სახით.
საბოლოო ჯამში კი მივიღეთ, რომ "ბარსელონამ" 2014 წლიდან მოყოლებული, დაცვის გაძლიერების მიზნით 139 მილიონი ევრო დახარჯა.
ამ სიახლეზე კომენტარები გათიშულია.
კომენტარები [ 11 ]