"ბენფიკასთან" მოლაპარაკებები წარმატებით არ მიმდინარეობს
კატალონიური Sport-ის მიერ გავრცელებული ინფორმაციის თანახმად, "ბენფიკას" მარჯვენა მცველი ნელსონ სემედუ "ბარსელონაში" გადასვლასთან ახლოს ნამდვილად არაა.
ცნობილია, რომ "ბარსა" სემედუს ექტორ ბელერინის ალტერნატივად განიხილავს. თუმცა, "არსენალის" მსგავსად, მოლაპარაკებები წარმატებით არც "ბენფიკასთან" მიმდინარეობს.
Sport, პორტუგალიურ A Bola-ზე დაყრდნობით, ავრცელებს ინფორმაციას, რომლის თანახმადაც, კლუბებს შორის მოლარაპარაკებები ისე არ მიმდინარეობს, როგორც "ბენფიკა" იმედოვნებდა. ლისაბონური კლუბის პრეზიდენტს, ლუიშ ფილიპე ვიერირას სემედუს სანაცვლოდ 50 მილიონის მიღება სურს. ეს თანხა ფეხბურთელის გამოსასყიდ თანხაზე 10 მილიონით ნაკლებია.
"ბენფიკას" ასევე სურდა, რომ სემედუს ტრანსფერში "ბარსელონას" აკადემიის მოთამაშეები, ჟორდი ემბულა და მარკ ჩუჩურელა ჩაერთო, მაგრამ კატალონიელები ორივე მათგანში პირველი გუნდის მოთამაშეს ხედავენ. თუმცა, დღეს გავრცელებული ინფორმაციით, ემბულა "მონაკოში" გადადის.
ამ სიახლეზე კომენტარები გათიშულია.
კომენტარები [ 22 ]