სემედუ "ბარსელონას" უახლოვდება
პორტუგალიური გამოცემის, A Bola-ს მიერ გავრცელებული ინფორმაციის თანახმად, "ბენფიკას" მარჯვენა მცველი ნელსონ სემედუ კატალონიის "ბარსელონაში" გადასვლასთან ახლოსაა.
წყაროს ცნობით, პორტუგალიურ და ესპანურ კლუბებს შორის მოლაპარაკებები დასკვნით ეტაპზეა და უახლოეს დღეებში პროცესი კიდევ უფრო აჩქარდება. ასევე ვრცელდება ინფორმაცია, რომ კლუბის შეცვლის წინააღმდეგი არც თავად 23 წლის ფეხბურთელია.
პორტუგალიური პრესის ცნობით, "ბენფიკას" სურს, სემედუს სანაცვლოდ, მინიმუმ 20 მილიონი ევრო მიიღოს.
ნელსონ სემედუ "ბენფიკას" პირველ გუნდში 2015 წლიდან ირიცხება. მას შემდეგ, მან 63 თამაში ჩაატარა და 3 გოლი გაიტანა. აქედან 45 შეხვედრა და 2 გოლი 2016/17 წლების სეზონზე მოდის.
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 18 ]