შვაინშტაიგერი: "ბაიერნში" ნეიმარს ვისურვებდი"
"ბაიერნის" ლეგენდარული ნახევარმცველი ბასტიან შვაინშტაიგერი აცხადებს, რომ ის მიუნხენურ გრანდში "ბარსელონას" ვარსკვლავის, ნეიმარის ხილვას ისურვებდა.
"რომ მკითხოთ, რომელ ფეხბურთელს ვისურვებდი "ბაიერნში", ალბათ, გეტყვით, მიუნხენურ გუნდში ნეიმარის ხილვას ვისურვებდი. თუმცა, არ ვიცი, ამას ის მოისურვებს თუ არა.
ნეიმარის გულშემატკივარი ვარ. მე ის არა მხოლოდ თამაშის სტილით, არამედ პიროვნული თვისებებითაც მომწონს. ჩვენ დანტეს მეშვეობით დავახლოვდით. როდესაც ისინი ბრაზილიის ნაკრებში ერთად თამაშობდნენ, ნეიმარს ჩემი მაისური უნდოდა და მე მას ის დანტეს საშუალებით გადავეცი. ყოველთვის, როდესაც მოედანზე ვხვდებოდით, ერთმანეთს დიდ პატივს ვცემდით.
მახსოვს, მსოფლიოს 2014 წლის ჩემპიონატის მოგების შემდეგ მას დასვენების დროს სრულიად შემთხვევით შევხვდი. ერთად გარკვეული დრო გავატარეთ.
ნეიმარი კარგი ადამიანი, ნამდვილი ბრაზილიელია. მას კეთილი გული აქვს. ის კარგი პიროვნება და დღეისათვის ერთ-ერთი საუკეთესო ფეხბურთელია", - აცხადებს შვაინშტაიგერი.
ამ სიახლეზე კომენტარები გათიშულია.
კომენტარები [ 11 ]