მესის ადვოკატი იმედიანადაა განწყობილი
ესპანელი ადვოკატი, ხუან დე დიოს კრესპო, რომელიც არგენტინის ნაკრების თავდამსხმელის, ლიონელ მესის ინტერესებს იცავს, იმედოვნებს, რომ FIFA მისი კლიენტის დისკვალიფიკაციის ვადას შეამცირებს.
კრესპოს ეს მოვალეობა არგენტინის ფეხბურთის ასოციაციამ დააკისრა.
"AFA-ს წერილით მივმართეთ, ასოციაცია კი FIFA-ს დაუკავშირდა. ადვოკატებს აპელაციის შეტანა არ შეუძლიათ. სანამ FIFA არ გვიპასუხებს, ამასთან დაკავშირებით არაფრის თქმა არ შეიძლება, სწორედ ამიტომ ჯობს სიმშვიდე შევინარჩუნოთ.
ვფიქრობ, ჩვენ მართლები ვართ და მჯერა, რომ FIFA მესის სასჯელის ვადას შეამცირებს."-ციტირებს კრესპოს სიტყვებს Sport.
როგორც იცით FIFA-მ "ბარსელონას" ლიდერი მსაჯის შეურაცხყოფის გამო 4-მატჩიანი დისკვალიფიკაციით დასაჯა. ამასთანავე, არგენტინელს 10 ათასი შვეიცარიული ფრანკის გადახდა მოუწევს. მესი ადასტურებს, რომ ეს სიტყვები არბიტრის მისამართით არ უთქვამს.
ამ სიახლეზე კომენტარები გათიშულია.
კომენტარები [ 6 ]