დენისმა ჩემპიონთა ლიგაზე მხოლოდ ერთხელ ითამაშა
როცა "ბარსამ" ჩემპიონთა ლიგის მატჩი უნდა ითამაშოს, დენის სუარესი ლუის ენრიკესთვის თითქოს შეუმჩნეველია. ნახევარმცველმა წელს ჩემპიონთა ლიგაზე მხოლოდ "ბორუსიასთან" ითამაშა. მატჩში, რომელიც არანაირი მნიშვნელობა არ ჰქონდა "ბარსასთვის" (გუნდს უკვე განაღდებული ჰქონდა 1/8 ფინალის საგზური).
მან უმნიშვნელო მატჩში 90 წუთი ითამაშა. ეს იყო და ეს. დენისი ჩემპიონთა ლიგის მატჩებში ისვენებს. ის ან სათადარიგოთა სკამზე ზის, ან საერთოდ არც შედის განაცხადში.
ასევე მოხდება დღესაც - ლუის ენრიკემ ის განაცხადს მიღმა დატოვა.
არადა, ლა ლიგასა და კოპა დელ რეიზე 23 წლის ნახევარმცველი ლუის ენრიკესთვის საკმაოდ მნიშვნელოვანია. ლა ლიგაში მან 947 წუთი ითამაშა 21 თამაშში (აქედან 9 მატჩი სასტარტო შემადგენლობიდან), ხოლო კოპა დელ რეიზე მან 388 წუთი ითამაშა 7 თამაშში (აქედან 4 მატჩი სასტარტო შემადგენლობიდან).
ასე რომ, დენისი კურიოზულ სიტუაციაშია. პსჟ-სთან მატჩის განაცხადში ანდრე გომეშმა ტრავმის შემდეგ მისი ადგილი დაიკავა.
8 გამართული თამაშიდან მხოლოდ ერთში თამაში - ეს არის ის, რისი ახსნაც ლუის ენრიკეს არ შეუძლია.
ამ სიახლეზე კომენტარები გათიშულია.
კომენტარები [ 10 ]