ენრიკე: "მესი, სუარესი და ნეიმარი არდადეგების შემდეგ კარგ ფორმაში დაბრუნდნენ"
"ბარსელონას" მთავარმა მწვრთნელმა, ლუის ენრიკემ ესპანეთის თასის 1/8 ფინალის მატჩის მოლოდინები გაგვიზიარა, სადაც კატალონიური კლუბი ბილბაოს "ატლეტიკს" დაუპირისპირდება.
"მესი, სუარესი და ნეიმარი არდადეგების შემდეგ საუკეთესო ფორმაში დაბრუნდნენ, ვიდრე მანამდე იყვნენ და ეს სასიამოვნოა. ვარჯიშზე მათმა მუშაობამ ჩემზე შთაბეჭდილება მოახდინა.
ჩვენ ვიცით, რომ "ატლეტიკი" ძლიერია და ისინი ყოველთვის გვიქმნიდნენ პრობლემებს. დაძაბული მატჩები გველის.
"ატლეტიკი" დიდ თამაშებში კარგია და ამ გუნდს სათასო შეხვედრები უყვარს.
ერნესტო ვალვერდე მაღალი კლასის მწვრთნელია, მან დიდი სამუშაო გასწია კლუბში. რაც შეეხება ჭორებს, ეს ფეხბურთის ნაწილია.
რომელი მეკარე გამოვა სტარტზე, თქვენ ხვალ გაიგებთ.
ჩვენ 2017 წლის კარგად ჩატარება გვსურს - ეს ჩვენი მიზანია. თუ გუნდი მოიგებს ტიტულებს, ეს ნიშნავს, რომ მან ისინი დაიმსახურა." - განაცხადა ლუის ენრიკემ.
ამ სიახლეზე კომენტარები გათიშულია.
კომენტარები [ 9 ]