ლუის ენრიკეს კომენტარი მატჩის შემდეგ
კატალონიის "ბარსელონას" მთავარმა მწვრთნელმა ლუის ენრიკემ "ოსასუნასთან" გამართული მატჩის შემდეგ, სადაც მისმა გუნდმა 3:0 იმარჯვა, კომენტარი გააკეთა.
"ბლაუგრანამ" მეტოქის გატეხვა მეორე ტაიმში მოახერხა. უგოლო პირველი ნახევრის შემდეგ, ლუის ენრიკეს კოლექტივმა "ელ სადარზე" 3-ჯერ აიღო ოპონენტის კარი.
"მწვრთნელები მოვლენათა ყველაზე ცუდი განვითარებისთვის მუდამ ემზადებიან. ვიცოდით, რომ გაგვიჭირდებოდა. პირველ ტაიმში უფრო მეტს ვიმსახურებდით.
ასეთი გუნდების წინააღმდეგ ბრძოლისას კარგი მოძრაობა და პრესინგია საჭირო. მეტოქეს გრძელი გადაცემებით ხიფათის შექმნა შეუძლია, რაც ჩვენ უკვე დავინახეთ.
იმ ფაქტმა, რომ პირველ ტაიმში გოლის გატანა ვერ მოვახერხეთ, "ოსასუნას" ფეხბურთელებს თავდაჯერებულობა შემატა.
გასვლითი მატჩების ჩატარება ყოველთვის რთულია, თანაც მოედანი სველი იყო. პირველი გოლი გადამწყვეტი აღმოჩნდა." - განაცხადა ენრიკემ.
ამ სიახლეზე კომენტარები გათიშულია.
კომენტარები [ 19 ]