მესი კონტრაქტის გახანგრძლივებას არ ჩქარობს

"ბარსელონას" ხელმძღვანელობა აპირებს, რომ ლიონელ მესის კონტრაქტის გახანგრძლივება შესთავაზოს, იტყობინება Mundo Deportivo.

კატალონიურ კლუბში სურთ, რომ არგენტინის ნაკრების ფეხბურთელმა კარიერა "ბარსელონაში" დაასრულოს. თუმცა თავად მესი ხელშეკრულების გახანგრძლივების საკითხზე არ ჩქარობს და აპირებს თავად განსაზღვროს მოლაპარაკებების ვადა და კონტრაქტის გახანგრძლივება.

ბოლოს მესიმ "ბარსელონასთან" კონტრაქტი 2014 წელს, 2018 წლამდე გაახანგრძლივა. ამ მომენტისთვის, არგენტინელი ფეხბურთელის ხელფასი წელიწადში 21,2 მილიონ ევროს შეადგენს.