მესი ბარსელონაში ბრუნდება, კლუბის ექიმები კი მის ტრავმაზე ღელავენ
"ბარსელონას" არგენტინელი ლიდერი ლიონელ მესი ეროვნული გუნდის მომდევნო მატჩში, "ვენესუელას" წინააღმდეგ, მონაწილეობას არ მიიღებს და ის კატალონიაში უახლოეს მომავალში დაბრუნდება. ამის მიზეზი ტრავმაა.
მესი ნაკრებს ტრავმირებული შეუერთდა. "ბარსელონას" მედიკოსებმა არგენტინელ ექიმებს ამის შესახებ აცნობეს. მიუხედავად ამისა, ედგარდო ბაუსამ ლეო, ურუგვაისთან, მაინც სრულად ათამაშა. ამან ნაკრებზე დადებითაც იმოქმედა - "ალბისელესტემ" ურუგვაის მესის გოლით 1:0 სძლია. თუმცა, 29 წლის ფეხბურთელს ტკივილი კვლავ აწუხებს და კატალონიელთა სამედიცინო შტაბი ამის გამო ღელავს.
ედგარდო ბაუსამ დაადასტურა, რომ მესი ვენესუელას წინააღმდეგ არ ითამაშებს. ფეხბურთელმა ბარსელონაში ნაადრევად დაბრუნება გადაწყვიტა და კატალონიელები ამ ინიციატივას დასთანხმდნენ. ლეო აღდგენით პროცესს ესპანეთში განაგრძობს და კლუბის ექიმებს იმედი აქვთ, რომ ის ტრავმას "ალავესთან" ლა ლიგაში, ან "სელტიკთან" ჩემპიონთა ლიგაზე არ გაიმიზეზებს.
ამ სიახლეზე კომენტარები გათიშულია.
კომენტარები [ 9 ]