ჟაუმე როურესი: "ელ კლასიკო", შესაძლოა 3 დეკემბერს, 19 საათზე გაიმართოს"
როგორც Mediapro-ს თანადამფუძნებელი, ჟაუმე როურესი იუწყება, სეზონის პირველი "ელ კლასიკო", შესაძლოა 3 დეკემბერს, თბილისის დროით 19:00 საათზე გაიმართოს. აქამდე გავრცელებული ინფორმაციით, მხოლოდ ის ვიცოდით, რომ "ბარსელონასა" და მადრიდის "რეალს" შორის სეზონის პირველი დაპირისპირება, 3-4 დეკემბერს გაიმართებოდა ლა ლიგის მე-14 ტურში, თუმცა დრო მიახლოებითაც კი არ იყო ცნობილი.
"ბლაუგრანა", 6 დეკემბერს, ანუ "ელ კლასიკოდან" რამდენიმე დღის შემდეგ, "გლადბახს" უპირისპირდება ჩემპიონთა ლიგის ჯგუფურ ეტაპზე, ამიტომაც "რეალისა" და "ბარსელონას" თამაშის დაწყების დრო, ჯერ კიდევაც არაა დადასტურებული.
"იქნება თუ არა თამაში 16:00 (თბილისის დროით) საათზე? ამაზე ჯერ არ გვისაუბრია, თუმცა მაინც არაფერს გამოვრიცხავთ. ერთ წელს, "ელ კლასიკო" საერთოდ ორშაბათს გაიმართა კატალონიაში არჩევნების გამო."
"ამაზე ჩვენ ლა ლიგას უნდა დაველაპარაკოთ, 16:00 საათი ცუდი დრო არ იქნება აზიაში, თუმცა 16 საათი სამხრეთ ამერიკაში, შესანიშნავი დროა, თუმცა მოლაპარაკებები ჯერ უნდა შევაჩეროთ, რადგან მატჩამდე ჯერ კიდევ 3 თვეზე მეტია დარჩენილი." - განაცხადა როურესმა.
ამ სიახლეზე კომენტარები გათიშულია.
კომენტარები [ 6 ]