სუარესი "ლივერპულის" წინააღმდეგ
"ბარსელონას" ურუგვაელი ბომბარდირი ლუის სუარესი ხვალ, 6 აგვისტოს, თავისი ყოფილი გუნდის, "ლივერპულის" წინააღმდეგ პირველად ითამაშებს.
სუარესი მერსისაიდული გუნდის ღირსებას 3.5 წლის განმავლობაში იცავდა. მან "ლივერპულის" მაისურით 133 თამაში ჩაატარა და 82 გოლი გაიტანა. განსაკუთრებით შედეგიანი იყო ინგლისში მისი ბოლო სეზონი - ურუგვაელმა, პრემიერ ლიგაში, 31 გოლი გაიტანა და ევროპის "ოქროს ბუციც" მოიგო. ამის შემდეგ, სუარესი "ბარსელონაში" გადავიდა.
ყოფილ გუნდთან გასამართ დაპირისპირებამდე სუარესმა კომენტარი გააკეთა: "ლივერპულს", ჩემ ცხოვრებაში, ძალიან დიდი ადგილი უჭირავს. ჩემი მეორე შვილი ლივერპულში დაიბადა და ამ ქალაქში ძალიან კარგი დრო მაქვს გატარებული. ინგლისში ბევრი მეგობარი მყავს და მიმაჩნია, რომ აქ დასაბრუნებლად და "ლივერპულთან" სათამაშოდ კარგი დროა.
ვფიქრობ, ფეხბურთელისთვის ოცნებაა, როდესაც 90 ათასი ადამიანის წინაშე თამაშობ. "ლივერპულს" მსოფლიოში ერთ-ერთი საუკეთესო გულშემატკივრები ჰყავს და ვფიქრობ, რომ ისინი უდიდესი ფეხბურთელების მოედანზე ხილვით კმაყოფილები იქნებიან."
ამ სიახლეზე კომენტარები გათიშულია.
კომენტარები [ 36 ]