მესის რესტორანი გაიხსნა

"ბარსელონას" არგენტინელი ვარსკვლავის, ლიონელ მესისა და მისი ოჯახის რესტორანმა სახელწოდებით El Bellavista del Jardin del Norte ფუნქციონირება დღეს დაიწყო.

მესის რესტორანი ქალაქ ბარსელონას ცენტრთან ახლოს, ენრიკ გრანადოსის ქუჩაზე მდებარეობს. თავად რესტორნის ფართი 1000 კვადრატული მეტრია, ხოლო კიდევ 1000 კვადრატული მეტრი ბაღს აქვს დაკავებული.

ბოლო რამდენიმე დღის განმავლობაში, რესტორნის მენიუს ტესტირება მიმდინარეობდა, რომელმაც წარმატებით ჩაიარა და დღეს დილით, კარი ყველა მსურველისთვის ღია იყო.

რესტორანი სტუმრებს საუზმიდან ვახშმამდე მოემსახურება.

მენიუში შეტანილი ერთ-ერთი კერძი ლიონელ მესის საყვარელი "მილანეზა ნაპოლიტიანაა", რომელიც 10.5 ევრო ღირს. რესტორნის მიზანი გემრიელი კერძების მომხმარებლებისთვის იაფად შეთავაზებაა.