ლა ლიგის პრეზიდენტი: "მესი კრიმინალი არ არის"
ლა ლიგის პრეზიდენტი ხავიერ ტებასი ლიონელ მესისთვის 21-თვიანი პატიმრობის მისჯის საკითხს ეხმაურება და აცხადებს, რომ სასჯელი უსამართლოა.
"რა თქმა უნდა, მეშინია, რომ მესი, გადასახადებთან დაკავშირებით შექმნილი პრობლემების გამო, ლა ლიგას დატოვებს. მჯერა, რომ ის დამნაშავე არაა და ბედნიერები ვართ, რომ ჩვენთან ასეთი ფეხბურთელი თამაშობს.
სასამართლომ 3 ვერდიქტი გამოიტანა, თითოეული 7-თვიანი. ჩვენი ერთი ვერდიქტი არ გვაქვს, რომლითაც მესის 21 თვით პატიმრობა მიესაჯა. სასამართლო პროცესი სათანადოდ არ წარიმართა.
არ ვფიქრობ, რომ მესი კრიმინალია. ის მსხვერპლია ფისკალური სისტემისა, რომელიც შეიცვლება.
მესიმ ესპანეთის ბიუჯეტს 61 მილიონი ევრო გადაუხადა და ამ ფულით საავადმყოფოები აშენდა და გზები დაიგო.
მესის ან "ბარსელონას" წინააღმდეგ წინასწარგანზრახული ბრძოლა არ მიმდინარეობს. მსოფლიო სპორტში გამოძიებები აქტიურად მიმდინარეობს."
ამ სიახლეზე კომენტარები გათიშულია.
კომენტარები [ 3 ]