სასამართლომ ნეიმარის საქმე შეწყვიტა
ესპანეთის სასამართლომ, მტკიცებულებათა არარსებობის გამო, ნეიმარისა და "ბარსელონას" წინააღმდეგ მიმდინარე სასამართლო დავა შეწყვიტა. ამ ინფორმაციას, კატალონიის რადიოზე დაყრდნობით, Sport ავრცელებს.
კომპანია DIS, რომელიც ნეიმარის "ბარსელონაში" გადასვლამდე ფეხბურთელის სატრანსფერო უფლებების ნაწილს ფლობდა, აცხადებდა, რომ მას "ბარსელონასგან" და ნეიმარისგან 40 მილიონი ევრო ეკუთვნოდა. ამ კომპანიამ, პირველ სასამართლოზე, მიზანს მიაღწია და "ბარსელონას" 5.5 მილიონი ევროს გადახდა დაეკისრა. თუმცა, როდესაც DIS-მა მეორედ იჩივლა და 40 მილიონი მოითხოვა, კომპანიამ საჭირო მტკიცებულებები ვერ წარმოადგინა.
DIS-ის საჩივრის საფუძველზე, პროკურატურას სისხლის სამართლის საქმე ჰქონდა აღძრული, რომელიც საქმის შეწყვეტით დასრულდა.
უფრო ადრე, ბრალდებები მოეხსნათ "ბარსელონას" ყოფილ და ამჟამინდელ პრეზიდენტებს, სანდრო როსელსა და ხოსეპ მარია ბართომეუს.
ამ სიახლეზე კომენტარები გათიშულია.
კომენტარები [ 16 ]