მესი: "გაბრაზებული ვარ იმის გამო, რომ ოლიმპიადაზე ვერ ვითამაშებ"
"ბარსელონას" ლიდერი ლიონელ მესი, ESPN-ისთვის მიცემული ინტერვიუს დროს, რამდენიმე საინტერესო საკითხზე საუბრობს. მათ შორისაა მისი თანამემამულე დიეგო სიმეონე, რომელიც მადრიდის "ატლეტიკოს" მთავარი მწვრთნელია.
"ატლეტიკო" ძალიან რთული მეტოქეა. სიმეონეს მუშაობა აპლოდისმენტებს იმსახურებს. ის ფეხბურთელების ნდობას იმსახურებს და შედეგად, ისინი თავის შესაძლებლობებს მაქსიმალურად იყენებენ.
"ატლეტიკოსთან" გამართული ორრაუნდიანი დაპირისპირების პირველ მატჩში უკეთ ვითამაშეთ და ყველაფრის "კამპ ნოუზევე" გადაწყვეტა შეგვეძლო. "ვისენტე კალდრონზე" "ატლეტიკოს" წინააღმდეგ თამაში ძალიან ძნელია.
ოლიმპიურ თამაშებზე კიდევ სიამოვნებით მივიღებდი მონაწილეობას. შესანიშნავი იქნებოდა, ამ ზეიმის მონაწილედ თავი კიდევ ერთხელ მეგრძნო, როგორც ეს 2008 წელს მოხდა. გაბრაზებული ვარ იმის გამო, რომ ოლიმპიადაზე ვერ ვითამაშებ."
ამ სიახლეზე კომენტარები გათიშულია.
კომენტარები [ 24 ]