ლუის ენრიკეს ჟერემი მატიეს გაშვება არ უნდა
რამდენიმე დღის წინ გავრცელდა ინფორმაცია, რომ ჟერემი მატიეს შეძენით "მონაკო" ინტერესდება. ეს ინფორმაცია ფრანგმა ფეხბურთელმა უარყო.
"ვნახე ეს ინფორმაცია, მაგრამ ეს ტყუილია. "ბარსელონაში" ბედნიერი ვარ". – განაცხადა მატიემ.
Mundo Deportivo–ს ჟურნალისტი, მიგელ რიკო განმარტავს, რომ "ბარსელონას" მთავარ მწვრთნელს, ლუის ენრიკეს ფრანგი მცველის, ჟერემი მატიეს კლუბში დარჩენა სურს. ასტურიელი სპეციალისტი მიიჩნევს, რომ 32 წლის ფეხბურთელი გუნდისთვის ძალიან მნიშვნელოვანია, რადგან მას თამაში ორ პოზიციაზე შეუძლია და თანაც ეს საკმაოდ კარგად გამოსდის.
ასეთივე ნათელი არ არის ბელგიელი მცველის, ტომას ვერმალენის ესპანური მომავალი. შესაძლოა, იგი პრემიერ ლიგას დაუბრუნდეს. მატიესგან განცხვავებით, რომლის კლუბში დატოვებაც ლუის ენრიკეს სურს, შესაძლოა, ბარტრამ და ვერმალენმა კატალონიური გრანდი დატოვონ, რადგან "ბარსელონა" ზაფხულის სატრანსფერო ფანჯრის დროს დაცვის ხაზის გაუმჯობესებას შეეცდება.
ამ სიახლეზე კომენტარები გათიშულია.
კომენტარები [ 96 ]