„ბარსელონა“ – „სელტა“: ლუის ენრიკე მატჩის წინ
"ბარსელონას" მთავარმა მწვრთნელმა ლუის ენრიკემ "სელტასთან" წინასამატჩო პრესკონფერენცია გამართა, სადაც ბოლო დროის აქტუალურ თემებს შეეხო.
საშიში მეტოქე
"სელტა" ძალიან საშიში მეტოქეა. ვიგოელები ძალიან გამბედავად თამაშობენ. მათი თამაშების ყურება დიდი სიამოვნებაა."
დანაკლისი
"სელტას" მართლაც, დიდი დანაკლისი აქვს, მაგრამ მათი თამაშის სტილი მაინც არ იცვლება. ისინი მუდვივად ცდილობენ აკონტროლონ ბურთი და სახიფათო მომენტი შექმნან."
ინტენსიურობა
"სელტა" მოწინააღმდეგეს მაქსიმალურად ავიწროვებს და ბურთის შენარჩუნებას ცდილობს. ისინი როგორც თავდასხმაში, ისე დაცვაში ძალიან კარგად თამაშობენ."
წინა მატჩი
"გასულ მატჩში დიდი სხვაობით წავაგეთ, მაგრამ ძალიან ბევრი მომენტი გვქონდა, სერხიო ალვარსემა კი რამდენიმე რთული ბურთი მოიგერია. ახლა სხვა სიტუაციაა, ჩვენ აშკარად უკეთ ვთამაშობთ, ვიდრე სეზონის სტარტზე."
არდას ტრავმა
"არდამ "ვალენსიასთან" მატჩამდე ერთი ვარჯიში ჩაატარა. მან მცირე ტრავმა მიიღო და ჩვენ არ გავრისკეთ. ახლა, ის თავს კარგად გრძნობს."
ამ სიახლეზე კომენტარები გათიშულია.
კომენტარები [ 20 ]