"რეალი" ნეიმარისგან ითხოვს, რომ მან "ბარსელონადან" წასვლის სურვილი საჯაროდ დააფიქსიროს
"რეალი" "ბარსელონას" ბრაზილიელ თავდამსხმელზე, ნეიმარზე ნადირობას განაგრძობს. Sport-ის ცნობით, მადრიდელებმა ნეიმარს სთხოვეს, რომ მან კატალონიური კლუბის დატოვების სურვილი საჯაროდ დააფიქსიროს.
ესპანელი ჟურნალისტების ინფორმაციით, "რეალის" წარმომადგენლებმა ნეიმარის მამასა და აგენტს აცნობეს, რომ ფლორენტინო პერესი ბრაზილიელი ფეხბურთელით კვლავაა დაინტერესებული. მათ ნეიმარს ასევე სთხოვეს, რომ მან "ბარსელონას" დატოვების სურვილი საჯაროდ და ერთმნიშვნელოვნად დააფიქსიროს.
გავრცელებული ცნობებით, პერესი მზადაა ნეიმარის გამოსასყიდი თანხა, 190 მილიონი ევრო გადაიხადოს, ფეხბურთელს კი 5-წლიანი კონტრაქტი გაუფორმოს და მას 35-მილიონიანი ხელფასი დაუნიშნოს. ამას დაემატება 30 მილიონი ბონუსი ხელშეკრულების გაფორმების დროს.
პერესს იმედი აქვს, რომ ნეიმარის წინააღმდეგ მიმდინარე სასამართლო პროცესს ის სათავისოდ გამოიყენებს.
შეგახსენებთ, რომ ფეხბურთელის მამამ, ცოტა ხნის წინ, დაადასტურა, რომ მის შვილში ერთი კლუბი დიდ თანხას იხდის, მაგრამ ბრაზილიელს "ბარსელონაში" დარჩენა უნდა.
ამ სიახლეზე კომენტარები გათიშულია.
კომენტარები [ 46 ]