ჟერარ პიკე იუბილარია!
ესპანელი ცენტრალური მცველი დღეს თავის 29-ე დაბადების დღეს აღნიშნავს.
ჟერარ პიკე 1987 წლის 2 თებერვალს, ქალაქ ბარსელონაში დაიბადა. ახალგაზრდული აკადემია მან სწორედ თავის მშობლიურ კლუბში გამოიარა, თუმცა პროფესიონალურ დონეზე მისი დებიუტი "მანჩესტერ იუნაიტედში" შედგა, სადაც მან სამი წელი გაატარა.
2007-2008 წლების სეზონი "წითელ ეშმაკთა" მაისურით ესპანელისთვის წარმატებული გამოდგა: მოიგო FA Community Shield, ინგლისის პრემიერ ლიგა და უეფას ჩემპიონთა ლიგა. ამ ტიტულების მოპოვებამდე ერთი წლით ადრე, პიკე "სარაგოსაში" ერთწლიანი იჯარის წესით იყო გაშვებული.
"ბარსელონაში" დაბრუნება ჟერარისთვის ბევრად უფრო წარმატებული გამოდგა. მან ლა ლიგა ხუთჯერ, ესპანეთის თასი სამჯერ, ესპანეთის სუპერ თასი ოთხჯერ, უეფას ჩემპიონთა ლიგა სამჯერ, უეფას სუპერ თასი სამჯერ და ფიფას საკლუბო მუნდიალი სამჯერ მოიგო.
რაც შეეხება სანაკრებო კარიერას, ესპანეთთან ერთად 2010 წელს პიკე მსოფლიოს, ხოლო 2012 წელს ევროპის ჩემპიონი გახდა.
ვულოცავთ პიკეს დაბადების დღეს და ვუსურვებთ, მომავალში კიდევ უფრო დიდი წარმატება მოეტანოს "ბარსელონასთვის"!
[media=https://www.youtube.com/watch?v=v4N9Q68EvVs]
ამ სიახლეზე კომენტარები გათიშულია.
კომენტარები [ 18 ]