Marca: "ბარსელონამ" 9 მილიონი ევროს ოდენობის გადასახადები დამალა
ესპანეთის საგადასახადო ორგანოებმა ნეიმარის "სანტოსიდან" "ბარსელონაში" ტრანსფერის გამოძიება დაასრულეს და დაადგინეს, რომ კატალონიურმა კლუბმა 9 მილიონი ევროს ოდენობით გადასახადები დამალა. ამ ინფორმაციას Marca ავრცელებს.
როგორც ცნობილია, ესპანეთში ნეიმარის ტრანსფერის საქმეს დიდი ხანია იძიებენ. სწორედ ეს იყო "ბარსელონას" პრეზიდენტის, სანდრო როსელის მიერ თანამდებობის დატოვების ერთ-ერთი მიზეზი. მადრიდული პრესის ცნობით, საგადასახადო ორგანოებმა სამეფო სასამართლოს გამოძიების შედეგები გადაუგზავნეს და გაირკვა, რომ "ბარსელონამ" ქვეყნის ბიუჯეტს 9 მილიონი ევრო დაუმალა.
ფინანსური მაქინაციების მთავარ მოქმედ პირად "ბარსელონას" ყოფილი პრეზიდენტი სანდრო როსელი სახელდება.
ცნობილია, რომ "ბარსელონამ" ქვეყნის ბიუჯეტში 13.5 მილიონი ევრო უკვე შეიტანა, მაგრამ გამოძიება ამით მაინც არ დასრულებულა.
ამ სიახლეზე კომენტარები გათიშულია.
კომენტარები [ 16 ]