ისტორია ”ბარსას” მხარეზეა
ოთხშაბათს, ”ბარსელონას” ექნება ურთულესი მატჩი პსჟ-ს წინააღმდეგ. ”ბარსელონასა” და ფრანგულ კლუბებს შორის გამართული მატჩები ”კამპ ნოუზე”, ძირითადად, კატალონიელების გამარჯვებებით სრულდებოდა. ამ შვიდი შეხვედრიდან ექვსის ანგარიშის განმეორების შემთხვევაში ”ბლაუგრანა” წარმატებით გაივლის მეოთხედფინალურ ეტაპს.
”ბარსელონა” 2-0 ”ნიცა”. უეფას თასი. 1973/74
სოტილისა და დიაზის გოლების წყალობით კატალონიელებმა მოახერხეს გამარჯვება, მაგრამ ეს არ აღმოჩნდა მათთვის სასურველი შედეგი, რადგან საფრანგეთში წაგებული მატჩი (0-3) საბედისწერო აღმოჩნდა.
”ბარსელონა” 1-4 ”მეტსი”. თასების მფლობელა თასი. 1984/85
მიუხედავად იმისა, რომ ”ბლაუგრანამ” საფრანგეთში შესანიშნავად ითამაშა და შეძლო 4-2 გამარჯვების მოპოვება, კატალონიის დედაქალაქში ლურჯბროწეულისფრები შერცხვნენ.
”ბარსელონა” 2-0 ”მონაკო”. ჩემპიონთა ლიგა. 1993/94
ბეგირისტაინის დუბლის წყალობით, კატალონიელებმა შეძლეს ”მონაკოს” დამარცხება და ჩემპიონთა ლიგის ჯგუფური ეტაპის წარმატებით დაძლევა.
”ბარსელონა” 1-1 პსჟ. ჩემპიონთა ლიგა. 1994/95
პირველი შეხვედრა ”კამპ ნოუზე” გაიმართა და ფრედ 1-1 დასრულდა. პარიზში ჩატარებულმა მატჩმა კი ყველაფერი გადაწყვიტა და საბოლოოდ გამოთიშა ”ბარსელონა” ევროპის ყველაზე პრესტიჟულ გათამაშებას.
”ბარსელონა” 2-0 ”ლიონი”. ჩემპიონთა ლიგა. 2001/02
ეს შეხვედრა ჯგუფური ეტაპის ფარგლებში გაიმართა და კლიუვერტისა და რივალდოს გოლების წყალობით, ”ბარსელონამ” შეძლო გამარჯვების მოპოვება. კატალონიელებმა სასურველ შედეგს პარიზშიც მიაღწიეს და ის თამაში 3-2 მოიგეს.
”ბარსელონა” 3-0 ”ლიონი”. ჩემპიონთა ლიგა. 2007/08
”ბარსელონა” და ”ლიონი” კიდევ ერთხელ მოხვდნენ ერთი და იგივე ჯგუფში. ამჯერადაც, ფრენკ რაიკაარდის გუნდმა შეძლო ფრანგების დამარცხება.
”ბარსელონა” 5-2 ”ლიონი”. ჩემპიონთა ლიგა. 2008/09
პირველი შეხვედრა საფრანგეთში გაიმართა და ფრედ 1-1 დასრულდა, მაგრამ ”ლიონს” ბარსელონაში ჯოჯოხეთი დახვდა. კატალონიელებმა გაანადგურეს მეტოქე. იმ შეხვედრაში თავი გამოიჩინეს: ტიერი ანრიმ (2-ჯერ), მესიმ, ეტო’ომ და კეიტამ. ამ შედეგის წყალობით ”ბლაუგრანამ” წარმატებით დასძლია მერვედფინალური ეტაპი.
ამ სიახლეზე კომენტარები გათიშულია.
კომენტარები [ 0 ]