ვალდესს სასჯელი არ შეუმცირეს

  • 16-03-2013, 00:13
  • ვალდესს სასჯელი არ შეუმცირეს

    ესპანეთის ფეხბურთის ფედერაციის სააპელაციო კომიტეტმა ვიქტორ ვალდესის დისკვალიფიკაციასთან დაკავშირებით შესული საჩივარი არ დააკმაყოფილა, რაც იმას ნიშნავს, რომ "ბარსას" კარის დარაჯი ლა ლიგის მომდევნო 3 თამაშს გამოტოვებს.

    "რეალთან" გამართული "ელ კლასიკოს" შემდეგ, მადრიდელთა კარში აშკარა თერთმეტმეტრიანის არდანიშვნით გაბრაზებულმა ვალდესმა თავისი უკმაყოფილება ზედმეტად ემოციურად გამოხატა და პერეს ლასასგან წითელი ბარათი მიიღო. მოგვიანებით, ესპანეთის ფეხბურთის ფედერაციამ, ვალდესს 4-მატჩიანი დისკვალიფიკაცია მისცა. კატალონიურმა მხარემ გადაწყვეტილება გაასაჩივრა და სასჯელის შემცირება მოითხოვა, მაგრამ უშედეგოდ.

    ვალდესმა, "დეპორტივოსთან" გამართული მატჩი უკვე გამოტოვა. დისკვალიფიკაციის დანარჩენ სამ თამაშს ის "რაიოსთან", "სელტასთან" და "მალიორკასთან" მოიხდის.

    თეგები: ვალდესი

    კომენტარები [ 0 ]

    ინფორმაცია
    მომხმარებლებს, რომლებიც იმყოფებიან ჯგუფში სტუმარი, ამ მასალაზე კომენტარის დამატების უფლება არ აქვთ.

    პარტნიორები

    Flashscore.ge