"ბარსელონას" 3 ახალი სამიზნე: ვილიანი, დანი პარეხო, მანუელ ლანსინი
თითქმის ყველა ფრონტზე წარუმატებლობის შემდეგ, "ბარსელონამ" მიზანში 3 ახალი ფეხბურთელი ამოიღო. საუბარი ვილიანზე, მანუელ ლანსინსა და დანი პარეხოზეა.
"ჩელსის" ბრაზილიელი ფეხბურთელი ვილიანი შეტევის გასაძლიერებლად მოიაზრება. 29 წლის სამხრეთ ამერიკელს ლონდონური კლუბის სასტარტო შემადგენლობის უცლელი წევრი ნამდვილად არ ეთქმის და სათანადო შეთავაზების არსებობის შემთხვევაში, მისი ტრანსფერი გამორიხული არაა.
"ვესტ ჰემის" 24 წლის არგენტინელი შემტევი ნახევარმცველი მანეულ ლანსინი ფილიპე კოუტინიოს ალტერნატივად განიხილება. კატალონიელები "ლივერპულის" ტრანსფერზე დათანხმებას ვერაფრით ახერხებენ და თუ კოუტინიო ესპანეთში არ გადავიდა, ლანსინი ერთ-ერთი კანდიდატი იქნება.
ნახევარდაცვაში არსებული პრობლემების მოგვარების კიდევ ერთ ვარიანტად "ვალენსიას" 28 წლის შუახაზელი დანი პარეხო განიხილება. ესპანელის გამოსასყიდი თანხა 50 მილიონი ევროა და კატალონიელებს მიაჩნიათ, რომ "ბარსელონას" თამაშის სტილს ის უფრო შეეფერება, ვიდრე ახლახანს დაწუნებული ჟან-მიკაელ სერი.
ამ სიახლეზე კომენტარები გათიშულია.
კომენტარები [ 12 ]