გონსალო კასტრო: "დემბელეს საქციელი გუნდს აზარალებს"
დორტმუნდის "ბორუსიას" ნახევარმცველი გონსალო კასტრო მიიჩნევს, რომ უსმან დემბელესთან დაკავშირებით შექმნილი სიტუაცია გერმანულ კლუბს აზარალებს.
"დემბელე ყოველთვის აქ იყო. მან შესანიშნავი სეზონი ჩაატარა, მაგრამ ერთ დღესაც, ვარჯიშზე არ გამოცხადდა.
შოკირებულები ვიყავით, რადგან ასეთი ქმედება, ჩვენთვის, სიახლე იყო. მსგავსი რამ არასდროს გამომიცდია.
როდესაც დაბრუნდება, მას აუხსნიან, რომ ასე მოქცევა არ შეიძლება და ასეთი ქმედება გუნდს ვნებს.
არ ვიცით, ვინ დგას ამ ყველაფრის უკან, ან ვინ აკონტროლებს სიტუაციას. საკუთარი გამოცდილებიდან იმის თქმა შემიძლია, რომ როდესაც 20 წლის ვიყავი, ყველაფერს ჩემი სურვილებიდან გამომდინარე არ ვაკეთებდი.
ასევე უნდა გავითვალისწინოთ, რომ არსებობს კონტრაქტი და კლუბი ყველაზე მაღლა დგას." - განაცხადა 30 წლის გონსალო კასტრო.
როგორც ცნობილია, უსმან დემბელე არა მხოლოდ ვარჯიშებზე არ დადის, ის "ბორუსიას" წარმომადგენლებთან კონტაქტზეც კი უარს აცხადებს. ამის მიზეზად ის სახელდება, რომ გერმანელები პირობას არ ასრულებენ და 20 წლის ფეხბურთელს "ბარსელონაში" გადასვლის უფლებას არ აძლევენ.
ამ სიახლეზე კომენტარები გათიშულია.
კომენტარები [ 18 ]