ერნესტო ვალვერდე პეპ სეგურას აკრიტიკებს და დანებებას არ აპირებს
"ბარსელონას" მთავარი მწვრთნელი ერნესტო ვალვერდე "რეალთან" ხვალ გასამართი მატჩის წინ კომენტარს აკეთებს.
ხვალინდელ თამაშზე
"ხვალ, ბევრი საგოლე მომენტი უნდა შევქმნათ. ვალდებულები ვართ, მოედანზე გავიდეთ და მეტოქეს მიზნის მიღწევაში ხელი შევუშალოთ."
"მადრიდელებს დიდი უპირატესობა აქვთ. ჩვენ უნდა შევუტიოთ და მეტოქეს კონტრშეტევებს გავუმკლავდეთ.
"რთულ სიტუაციაში ვართ, მაგრამ არა გამოუვალში. თამაშის მოსაგებად ყველაფერს გავიღებთ. არ დავნებდებით."
პაულინიოზე
"პაულინიო ბრაზილიის ეროვნული ნაკრებისთვის მნიშვნელოვანი ფეხბურთელია. ის ფიზიკურად ძლიერი მოთამაშეა, რომელიც ჩვენ გუნდს მრავალმხრივობას შესძენს. მის ტრანსფერზე ბევრი რამ ითქვა. ის კარგი ფეხბურთელია და მოდით, ის თამაშით შევაფასოთ."
სერჟი სამპერზე
"სერჟი სამპერს 4 დღის წინ ვესაუბრე. მისთვის კარგი იქნება, თუ ერთი წლით სხვა გუნდში იჯარით ითამაშებს."
სერჟი რობერტოზე
"სერჟი რობერტო მნიშვნელოვანი ფეხბურთელია. ეს ეჭვგარეშეა. შესაძლოა, ის ბევრს არ თამაშობს, მაგრამ ამ საკითხს მე მივხედავ."
პეპ სეგურას მიერ პიკეს გაკრიტიკებაზე
"ჟერარ პიკეს მოძრაობა ფატალური გამოდგა, მაგრამ ეს ნებისმიერს შეიძლება დაემართოს. პეპ სეგურას სიტყვები, როდესაც მან პიკე დაადანაშაულა, შეცდომა იყო."
ტრანსფერებზე
"თვის ბოლომდე ბევრი რამ შეიძლება შეიცვალოს. შეძლებისდაგვარად საუკეთესო გუნდი უნდა შევქმნათ."
ნელსონ სემედუზე
"ხვალ, მოედანზე საუკეთესო გუნდს გავიყვან. ნელსონ სემედუ ახალწვეულია და მას ადაპტაციისთვის დრო ჭირდება." - განაცხადა ვალვერდემ დღეს გამართულ პრესკონფერენციაზე.
შეგახსენებთ, რომ "ბარსელონას", ესპანეთის სუპერ თასზე წარმატებით გამოსასვლელად, მადრიდში 3:1-ზე უკეთესი სხვაობით მოგება მართებს.
ამ სიახლეზე კომენტარები გათიშულია.
კომენტარები [ 3 ]