მესი ნეიმარს ოქროს ბურთის მოგებაში დახმარებას ჰპირდებოდა
როგორც ცნობილია, "ბარსელონას" ლიდერები, ლიონელ მესი და ლუის სუარესი კატალონიურ კლუბში დარჩენაში ნეიმარის დარწმუნებას ცდილობდნენ.
Sport-ის ცნობით, ერთ-ერთი ასეთი შეხვედრა, რომელსაც მესი, სუარესი და ნეიმარი ესწრებოდნენ, საერთაშორისო ჩემპიონთა თასზე "იუვენტუსთან" გამართული მატჩის წინ შედგა. ამ შეხვედრის დროს მესიმ ნეიმარს უთხრა: "რა გინდა? "ოქროს ბურთი" გინდა? მე დაგეხმარები "ოქროს ბურთის" მოგებაში."
მომდევნო დღეს, "იუვენტუსთან" თამაშის მთავარი ვარსკვლავი ნეიმარი იყო. ამის ერთ-ერთი მიზეზი კი ისაა, რომ მესი მას პასებით ხშირად ამარაგებდა. ბრაზილიელმა ერთ-ერთი გოლი სწორედ არგენტინელის გადაცემით გაიტანა.
საბოლოოდ კი, ნეიმარმა "პარი სენ-ჟერმენში" გადასვლა მაინც გადაწყვიტა.
ტეგები
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 11 ]