"გუანჩჟოუ" პაულინიოს მხოლოდ იანვარში გაუშვებს
როგორც მოგეხსენებათ, კატალონიის "ბარსელონა" აქტიურადაა დაინტერესებული ჩინური კლუბის ბრაზილიელი ნახევარმცველის, პაულინიოს შეძენით. თუმცა "გუანჩჟოუ" 28 წლის ფეხბურთელში 40 მილიონ ევროს ითხოვს და ამ თანხის შემცირებაზე არც ფიქრობს. თავად ფეხბურთელს კატალონიურ გრანდში თამაში სურს. აღნიშნულ ტრანსფერზე ქსუ ჯიაინმა (კლუბის პრეზიდენტი) ისაუბრა და განაცხადა, რომ პაულინიოს ზამთრამდე კლუბი არ გაუშვებს.
"ჩვენ არამხოლოდ ფინანსური მდგომარეობა, არამედ კლუბის ამჟამინდელი მდგომარეობა და ფორმაც უნდა გავითვალისწინოთ მიმდინარე სეზონში."
"ეს პაულინიოს კარიერაში უმნიშვნელოვანესი და უნიკალური მომენტია და ეს კარგად გვესმის, თუმცა არ გვსურს, შუა სეზონში შეველიოთ მას. წინ სეზონის ნახევარია და ახლა საკვანძო ფეხბურთელის გაშვება დაუფიქრებელი ნაბიჯი იქნება."
"პაულინიოს გრძნობების კარგად მესმის, თუმცა მასაც უნდა ესმოდეს კლუბის. მიუხედავად "ბარსელონას" შემოთავაზებებისა, მოვითხოვთ, რომ მან "გუანჩჟოუს" მაისურით ჩატარებულ ყველა შეხვედრაში თავისი მაქსიმუმი ჩადოს."
ამ სიახლეზე კომენტარები გათიშულია.
კომენტარები [ 14 ]