Football Espana: მესის "სიტიში" გადასვლა სურდა
ესპანური Football Espana საინტერესო სტატიას აქვეყნებს, რომლის მიხედვითაც არგენტინელ სუპერვარსკვლავსა და მსოფლიოს ხუთგზის საუკეთესო ფეხბურთელს, ლიონელ მესის, გასულ ზაფხულში კლუბის დატოვება და "სიტიში" გადასვლა სურდა, თუმცა შემდეგ აზრი შეიცვალა.
El Mundo Deportivo-ს ცნობით, მესიმ თავისი გადაწყვეტილება კლუბს იმავე კვირაში გააცნო, როდესაც სანაკრებო კარიერის დასრულება გადაწყვიტა.
მესიმ კოპა ამერიკას ფინალში ჩილეს წინააღმდეგ, პენალტების სერიაში საკუთარი დარტყმა გააცუდა, რის შემდეგაც 10 დღეში ბრალი გადასახადების დამალვაშიც დასდეს.
სტატიაში ასევე ნათქვამია, რომ ლეო დარჩენაში ლუის სუარესმა დაარწმუნა. თუმცა მესის საფასური (250 მილიონი ევრო) ამ ტრანსფერს არარეალურობის ელფერს სძენდა. მაშინ "სიტი" 150 მილიონი ევროს გადახდას აპირებდა.
მეორე მხრივ, ტრანსფერის ალბათობას გარკვეულწილად ზრდიდა ის ფაქტი, რომ "ეტიჰადის" მკვიდრთა ახალ მწვრთნელად იმავე ზაფხულში პეპ გვარდიოლა დაინიშნა.
ამ სიახლეზე კომენტარები გათიშულია.
კომენტარები [ 6 ]