მოულოდნელი სტუმარი ვარჯიშზე
"ბარსელონას" საწვრთნელი ბაზა უმაღლესი დონის ფეხბურთელების სიმწირეს არასდროს უჩიოდა, მაგრამ დღეს, "სიუტატ ესპორტივაზე", მაინც კლასის მოზღვავება იგრძნობოდა. მესის, ნეიმარის, სუარესის, ინიესტასა და სხვა ჯადოქრების მონახულება რონალდინიომ გადაწყვიტა.
რონალდინიო იმ ადამიანთა შორის შედის, რომლებისთვისაც "ბარსელონას" კარი ყოველთვის ღიაა. ცოტა ხნის წინ, ბრაზილიელი კატალონიელთა ელჩიც გახდა და მხარეები კიდევ უფრო დაახლოვდნენ. ეს ყველაფერი ლეგენდარულ ბრაზილიელს უფლებას აძლევს, გუნდის ვარჯიშს გაუფრთხილებლად ეწვიოს.
"ბარსელონას" ვარჯიშის მონახულების შემდეგ, რონიმ პრესისთვისაც მოიცალა: "კარგი მეგობრების ნახვა ყოველთვის შესანიშნავია. ეს დიდ სიამოვნებას მანიჭებს.
ფეხბურთელები კარგად გამოიყურებიან. ისინი მოტივირებულები არიან. თასის ფინალში კარგი თამაში გველის. იმედი მაქვს, იღბალი ჩვენ მხარეს იქნება და ყველაფერი კარგად წარიმართება." - ციტირებს რონალდინიოს სიტყვებს "ბარსელონას" ოფიციალური ვებგვერდი.
ამ სიახლეზე კომენტარები გათიშულია.
კომენტარები [ 14 ]