გასპარი: "ვინ თქვა, რომ ნეიმარი არბიტრზე იცინოდა?"
"ბარსელონას" ყოფილი პრეზიდენტი, ჟოან გასპარი ნეიმარის 3 მატჩიან დისკვალიფიკაციას გამოეხმაურა, რომელიც პრიმერას თამაშებით შემოიფარგლება.
ესპანეთის ჩემპიონატის 31-ე ტურის მატჩში, "მალაგას" წინააღმდეგ, სადაც "ბარსელონა" გასვლით მატჩში 0:2 დამარცხდა, ნეიმარი მსაჯმა მოედნიდან გააძევა. გაძევების შემდეგ ბრაზილიელმა ფეხბურთელმა არბიტრს გადაწყვეტილების გამო ირონიულად დაუკრა ტაში.
"ეს სანქციები არაგონივრულად მეჩვენება. ვინ თქვა, რომ ნეიმარი არბიტრზე იცინოდა? მაგრამ სწორედ ასე გაიგეს ნეიმარის ქმედება გაზეთებმა. რატომ მიანიჭეს ნეიმარს დისკვალიფიკაცია? თუ ის შეაფურთხებდა არბიტრს ან დაარტყამდა მას... მაგრამ აპლოდისმენტების გამო?" - აცხადებს გასპარი.
სამმატჩიანი დისკვალიფიკაციის გამო ნეიმარი გუნდს "რეალ სოსიედადთან" (15 აპრილი), მადრიდის "რეალთან" (23 აპრილი) და "ოსასუნასთან" (26 აპრილი) მატჩებში ვერ დაეხმარება. კატალონიური კლუბის ხელმძღვანელობამ უკვე განაცხადა, რომ გადაწყვეტილების გასაჩივრებასა და სანქციების შემცირებას აპირებს.
ამ სიახლეზე კომენტარები გათიშულია.
კომენტარები [ 8 ]