CIES: MSN ნახევარ მილიარდზე მეტი ღირს

სპორტის სწავლების საერთაშორისო ცენტრმა (CIES) ყველაზე ძვირადღირებული ფეხბურთელების განახლებული რეიტინგი გამოაქვეყნა, რომელსაც კატალონიის "ბარსელონას" თავდამსხმელი, ნეიმარ და სილვა ლიდერობს.

წინა რეიტინგის შემდეგ, ნეიმარის ფასი დაახლოებით 45 მილიონით გაიზარდა. შედეგად, ყოფილმა ლიდერმა, ლიონელ მესიმ მეორე ადგილზე გადაინაცვლა. ბრაზილიელის ფასი 201.5 მილიონი ევრო იყო, ახლა კი, 246.8 მილიონი ევროა.

"ბარსელონას" შემტევი ტრიოს კიდევ ერთი წარმომადგენლის, ლუის სუარესის ფასი 145.2 მილიონი ევროა.

საერთო ჯამში, რეიტინგის თანახმად, MSN - 562.5 მილიონი ევრო ღირს.