პირველად 2014 წლის ოქტომბრის შემდეგ...
ესპანეთის ჩემპიონატის 2016/17 წლების გათამაშების მე-5 ტური როგორც "ბარსელონასთვის" და "რეალისთვის", ასევე ამ გუნდების შემტევი ტრიოებისთვის წარუმატებელი გამოდგა. გუშინ, გოლის გატანა ვერც მესიმ, ვერც ნეიმარმა, ვერც სუარესმა, ვერც რონალდუმ, ვერც ბეილმა და ვერც ბენზემამ მოახერხა. ასეთი რამ კი პირველად მოხდა მას შემდეგ, რაც ეს ორი ტრიო შეიქმნა.
მას შემდეგ, რაც ლუის სუარესმა "ბარსელონას" მაისურით სადებიუტო თამაში ჩაატარა, ანუ 2014 წლის 25 ოქტომბრის შემდეგ, ექვსივე ფეხბურთელმა პრიმერას 28 ტურში ითამაშა. აქამდე არასდროს მომხდარა, რომ ექვსივე მათგანს მოედანი უგოლოდ დაეტოვებინა. გუშინ კი, "ბარსელონამ" და "რეალმა" ქულები, საკუთარ კედლებში, "ატლეტიკოსთან" და "ვილიარეალთან" დაკარგეს. ორივე გუნდმა 1:1 ითამაშა, გოლები კი ივან რაკიტიჩმა და სერხიო რამოსმა გაიტანეს.
ამ სიახლეზე კომენტარები გათიშულია.
კომენტარები [ 10 ]