ისტორია მეორდება - არგენტინა ჩილესთან თერთმეტმეტრიანებში ზედიზედ მეორედ დამარცხდა
კოპა ამერიკის 2016 წლის გათამაშების ფინალი ზუსტად ისე წარიმართა, როგორც გასულ წელს. არგენტინისა და ჩილეს დაპირისპირების ჯერ 90, შემდეგ კი დამატებითი 30 წუთი უგოლოდ დასრულდა და თერთმეტმეტრიანების სერიაში კვლავ ჩილელებმა იმარჯვეს.
უკვე პირველ ტაიმში, თითო კაცი ორივე გუნდს გაუგდეს. 28-ე წუთზე, ჩილელმა მარსელო დიასმა მე-2 გაფრთხილება მიიღო, 43-ე წუთზე კი, არგენტინელ მარკოს როხოს პირდაპირ წითელი ბარათი უჩვენეს.
"ბარსელონას" ფეხბურთელებიდან მესიმ და მასკერანომ სრულად ითამაშეს. მესიმ, თერთმეტმეტრიანების სერიაში, პირველი დარტყმა შეასრულა და ეს არაზუსტად გააკეთა. მასკერანომ კი, 37-ე წუთზე, ყვითელი ბარათი მიიღო, ხოლო თერთმეტმეტრიანების სერიაში ზუსტად დაარტყა. გამარჯვებული გუნდის კარს, 120 წუთისა და თერთმეტმეტრიანების სერიის განმავლობაში, "ბარსელონას" კიპერი, კლაუდიო ბრავო იცავდა, რომელმაც გადამწყვეტი პენალტი მოიგერია.
ამ სიახლეზე კომენტარები გათიშულია.
კომენტარები [ 10 ]