"ბარსა", ნეიმარის წასვლის შემთხვევაში, დიბალას შეძენას შეეცდება
"ბარსელონას" ხელმძღვანელობა და სამწვრთნელო შტაბი ბრაზილიელი ვარსკვლავის, ნეიმარის წასვლის შესაძლებლობას არ გამორიცხავენ. ამ ინფორმაციას კატალონიური Mundo Deportivo ავრცელებს.
სიახლე არაა, რომ 24 წლის ფეხბურთელით ისეთი კლუბები ინტერესდებიან, როგორებიც მადრიდის "რეალი", "მანჩესტერ იუნაიტედი" და "პარი სენ ჟერმენი" არიან, რომლებიც ბრაზილიელს მაღალ ანაზღაურებას სთავაზობენ. კატალონიურ კლუბს კი შეუძლია, ნეიმარს წელიწადში მაქსიმუმ 15 მილიონი ევრო შესთავაზოს.
წყაროს ცნობით, "ბარსელონა", ნეიმარის დაკარგვის შემთხვევაში, ტურინის "იუვენტუსის" არგენტინელი თავდამსხმელის, პაულო დიბალას ყიდვას შეეცდება.
აქამდე გავრცელდა ინფორმაცია, რომ ნეიმარს მამამისი და აგენტი "ბარსელონას" დატოვებას ურჩევენ, რადგან კატალონიელები მათ ფინანსურ მოთხოვნებს ვერ აკმაყოფილებენ.
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 23 ]