20 წელი ლუის ენრიკეს დებიუტიდან
ზუსტად 20 წლის წინ, 1996 წლის 27 მაისს, ცნობილი გახდა, რომ მაშინ ჯერ კიდევ 26 წლის ლუის ენრიკე მადრიდის "რეალიდან" "ბარსელონაში" გადმოდიოდა.
ეს ის პერიოდია, როდესაც იოჰან კრუიფის "ოცნების გუნდის" ერა ახალი დამთავრებულია და ბობი რობსონი ახალ გუნდს აშენებს. ლუის ენრიკეს გადაბირებამდე, "ბარსას" უკვე შეძენილი ჰყავდა ლორან ბლანი, მოგვიანებით კი კატალონიელებმა რონალდო და პიციც დაიმატეს.
ლუის ენრიკემ "ბარსელონაში" 8 სეზონი გაატარა, ბოლო წლებში კი ის კატალონიური კლუბის კაპიტანი იყო. ასტურიელმა შემტევმა 300 თამაში ჩაატარა და 109 გოლი გაიტანა. მან, "ბარსელონასთან" ერთად, 7 ტიტული მოიგო.
ენრიკემ საფეხბურთო კარიერა 2004 წელს დაასრულა, 4 წლის შემდეგ კი მან "ბარსელონა ბ" ჩაიბარა, რომელსაც 3 წლის განმავლობაში წვრთნიდა. 2014 წელს, ის უკვე პირველი გუნდის დამრიგებელი გახდა, რომელთან ერთადაც, ჯერჯერობით შესაძლო 9 ტიტულიდან 7 მოიგო.
ამ სიახლეზე კომენტარები გათიშულია.
კომენტარები [ 9 ]