EMD: "ბარსელონა" ალბასთან გახანგრძლივებას აპირებს

EMD: "ბარსელონა" ალბასთან გახანგრძლივებას აპირებს

El Mundo Deportivo-ს ცნობით, "ბარსელონას" სამწვრთნელო შტაბი და ხელმძღვანელობა კმაყოფილია ხორდი ალბას თამაშით, ამიტომაც, კატალონიური კლუბი ესპანელთან კონტრაქტის გახანგრძლივებას აპირებს.

"ბარსელონა", როგორც წესი, ფეხბურთელების აგენტებთან კონტაქტს ესპანეთის ჩემპიონატის ბოლოსწინა ტურამდე არ იწყებს. თუმცა, ეს შემთხვევა გამონაკლისია, რადგან ალბა, კლუბის სამომავალო პროექტში, ერთ-ერთ ყველაზე მნიშვნელოვან ფეხბურთელად ითვლება. მაგრამ ფეხბურთელის აგენტის განცხადებით, კლუბიდან მასთან კავშირი არავის ჰქონია.

შეგახსენებთ, რომ ესპანელი მცველის მიმდინარე კონტრაქტი "ბარსელონასთან" 2017 წლამდეა ძალაში.

აქვე იმასაც გეტყვით, ალბამ, ამ სეზონში, ლა ლიგაში 9 მატჩი ჩაატარა და გაიტანა ერთი გოლი.

  • გაწევრიანდი "ბარსელონას" გულშემატკივრების Facebook ჯგუფში

    კომენტარები [ 17 ]

    ინფორმაცია
    ამ სიახლეზე კომენტარები გათიშულია.