მარკ-ანდრე ტერ შტეგენი

სახელი: მარკ-ანდრე ტერ შტეგენი
ნომერი: 1
დაბ. ადგილი: მიონხენგლადბახი (გერმანია)
დაბ. თარიღი: 30.04.1992
სიმაღლე: 187 სმ
წონა: 85 კგ

 

მარკ-ანდრე ტერ შტეგენი "ბარსელონაში" 2014 წლის ზაფხულში, მიონხენგლადბახის "ბორუსიადან" გადმოვიდა.

ტერ შტეგენი 1992 წლის 30 აპრილს, მიონხენგლადბახში დაიბადა. მოგვიანებით, გერმანელმა სახელი გაითქვა, როგორც ევროპის ერთ-ერთმა ყველაზე იმედისმომცემმა მეკარემ.

"ბარსელონამდე", ტერ შტეგენს მხოლოდ "გლადბახში" ჰქონდა ნათამაშები, რომელსაც ის 1996 წელს, მხოლოდ 4 წლის ასაკში შეუერთდა. 2011 წლის 10 აპრილს, 18 წლის ასაკში, მას პირველ გუნდში დებიუტი ჰქონდა. მიონხენგლადბახელებმა ეს თამაში "კიოლნის" წინააღმდეგ ჩაატარეს და 5:1 მოიგეს. მომავალში ტერ შტეგენის კარგმა თამაშმა მას სასტარტო შემადგენლობაში ადგილი მოუპოვა. "გლადბახის" შემადგენლობაში ჩატარებულ პირველ 6 მატჩში მან მხოლოდ 3 გოლი გაუშვა.

მომდევნო ორ შეხვედრაში, ტერ შტეგენის გუნდს ბუნდესლიგაში დარჩენისთვის ფლეი ოფის მატჩებში თამაში მოუხდა. გლადბახელებმა, 2 მატჩის ჯამში, 2:1 მოიგეს. მომდევნო სეზონში, ტერ შტეგენი ბუნდესლიგის საუკეთესო მეკარედ დასახელდა. გერმანიის ჩემპიონატში ის 4 წლის განმავლობაში თამაშობდა. დროის ამ მონაკვეთში, ახალგაზრდა მეკარემ ბუნდესლიგაში 108 მატჩი გამართა.

მარკ-ანდრე ტერ შტეგენს ეროვნულ ნაკრებში დებიუტი 2012 წელს ჰქონდა, მაგრამ ის 2014 წლის მსოფლიო ჩემპიონატს მიღმა დარჩა. მალევე, 22 წლის ასაკში, ის "ბარსელონას" მე-2 გერმანელი მეკარე გახდა რობერტ ენკეს შემდეგ.

ტერ შტეგენს, "ბარსელონას" მაისურით ოფიციალური დებიუტი 2014 წლის 17 სექტემბერს, ჩემპიონთა ლიგაზე აპოელ-თან გამართულ მატჩში ჰქონდა, რომელიც კატალონიელებმა 1:0 მოიგეს.

თავის სადებიუტო სეზონში, ახალგაზრდა მეკარემ ჩემპიონთა ლიგის ყველა მატჩში მიიღო მონაწილეობა და ის გუნდს ამ ტურნირის მოგებაში დაეხმარა. გარდა ამისა, ტერ შტეგენი პირველი მეკარე იყო ესპანეთის თასზეც და "ბარსამ" ეს ტურნირიც მოიგო. თავისი ახალგაზრდული ასაკის მიუხედავად, ტერ შტეგენმა აჩვენა, რომ უმაღლეს დონეზე სათამაშოდ მზადაა, გაუშვა რა მხოლოდ 15 გოლი 20 თამაშში.

 

თვისებები

ტერ შტეგენი 189 სანტიმეტრის სიმაღლის მეკარეა, რომელიც მე-2 სართულზე ძალიან კარგად გამოიყურება. გარდა ამისა, ის ძალიან კარგად თამაშობს ფეხით. გერმანელი მეკარე კარგი რეაქციითაც გამოირჩევა. ასაკის მიუხედავად, ის ძლიერი პიროვნება და გამოცდილი ფეხბურთელია.

 

მიღწევები

ბარსელონა

ესპანეთის ჩემპიონი - 2014/15, 2015/16

ესპანეთის თასი - 2014/15, 2015/16, 2016/17

ესპანეთის სუპერ თასი - 2016/17

ჩემპიონთა ლიგა - 2014/15

ევროპის სუპერ თასი - 2015/16

მსოფლიოს საკლუბო ჩემპიონატი - 2015/16

გერმანიის ნაკრები

17-წლამდელთა ევროპის ჩემპიონატი - 2009