ხორდი ალბა რამოსი

სახელი: ხორდი ალბა რამოსი

ნომერი: 18

დაბ. ადგილი: ოსპიტალეტ დე ლობრეგატი (კატალონია, ესპანეთი)

დაბ. თარიღი: 1989-03-21

სიმაღლე: 170 სმ

წონა: 69 კგ

 

ბიოგრაფია

ხორდი ალბა "ბარსელონამ" 2012 წლის 5 ივლისს გაიფორმა, მას შემდეგ, რაც მხარეებს შორის შეთანხმება წარმატებით შედგა. 23 წლის ესპანელი 2012/13 წლების პირველი ტრანსფერია.

ხორდი ალბა 10 წლის გახლდათ, როცა "ბარსელონას" ახალგაზრდულ აკადემიაში ჩაირიცხა. იგი სხვადასხვა ასაკობრივ გუნდში თამაშობდა ისეთი ფეხბურთელების გვერდით, როგორებიც არიან ბოიან კრკიჩი, ფრან მერიდა და დოს სანტოსი.

ალბამ 2007 წელს დატოვა "ბარსელონა" და "კორნელიას" შეუერთდა. მას შემდეგ, რაც მან ერთი სეზონი დაჰყო აღნიშნულ გუნდში, "ვალენსიას" მიაშურა. "ღამურებმა" ხორდი 6.000 ევროდ გაიფორმეს. "ვალენსიას" მეორე გუნდთან ერთად მან "სეგუნდა დივიზიონ " მოიგო და ესპანეთის 19 წლამდელთა ნაკრებშიც უხმეს.

2008/09 წლებში იგი გაანათხოვრეს "ხიმნასტიკში", სადაც 30 მატჩი ჩაატარა სეგუნდაში და შემდეგ 20 წლამდელთა მსოფლიო ჩემპიონატზე გაეშურა ეგვიპტეში. იქიდან დაბრუნებული კი "ვალენსიას" მთავარ გუნდში მოხვდა.

მას დებიუტი 2009 წლის 13 სექტემბერს ჰქონდა "ვალიადოლიდის" წინააღმდეგ მატჩში და მას შემდეგ შეძლო 108 შეხვედრის ჩატარება "ღამურათა" რიგებში.

მისმა კარგმა თამაშმა განაპირობა ის, რომ 2011 წლის სექტემბერში ვისენტე დელ ბოსკემ ესპანეთის ნაკრებში უხმო განაპირა მცველს. მას დებიუტი შოტლანდიასთან მატჩში ჰქონდა. მან ეროვნულ გუნდთან ერთად მოიგო ევრო 2012 და შემდეგ მშობლიურ კლუბს, "ბარსელონას" დაუბრუნდა.

 

პროფილი

ალბა ძალიან სწრაფი და ტექნიკური ფეხბურთელია. იგი ხშირად იყენებს თავის სისწრაფეს და ფორვარდებს ეხმარება შეტევის განვითარებაში. ხორდი უნივერსალია და შეუძლია უამრავ პოზიციაზე თამაში, მათ შორის შემტევ ვინგერადაც. იგი ცაციაა და შესანიშნავად აკონტროლებს ბურთს მაცხენა ფეხით. მიუხედავად იმისა, რომ 170 სანტიმეტრია, ბრწყინვალედ ირჯება როგორც დაცვაში, ისე თავდასხმაში.

 

მიღწევები

გუნდური მიღწევები

ბარსელონა

ესპანეთის ჩემპიონატი (3) - 2012/13, 2014/15, 2015/16

ესპანეთის სუპერ თასი (2) - 2013/14, 2016/17

ესპანეთის თასი (3) - 2014/15, 2015/16, 2016/17

ჩემპიონთა ლიგა - 2014/15

ევროპის სუპერ თასი - 2015/16

მსოფლიოს საკლუბო ჩემპიონატი - 2015/16

 

ესპანეთის ეროვნული ნაკრები

ევროპის ჩემპიონატი - 2012

 

ინდივიდუალური მიღწევები

ევრო 2012-ის სიმბოლური ნაკრების წევრი

 

ავტორი: kalo