1947 წლის 13 იანვარს, ქალაქ ბარსელონაში დაიბადა კარლეს რექსაჩი, რომელიც როგორც ჩატარებული მატჩების, ასევე გატანილი გოლების მიხედვით, "ბარსას" ერთ-ერთი რეკორდსმენია. მის ანგარიშზე 452 თამაში და 122 გოლია. საფეხბურთო კარიერის დასრულების შემდეგ, 8 წლის განმავლობაში, ის კატალონიელთა მთავარი მწვრთნელის, იოჰან კრუიფის თანაშემწე იყო

1998 წლის 12 იანვარს, პარიზში, FIFA-მ 1997 წლის საუკეთესო ფეხბურთელი გამოავლინა. პლანეტის საუკეთესო მოთამაშედ დასახელდა რონალდო, რომელმაც 480 ქულა დააგროვა. წინა სეზონში, "ბარსელონას" მაისურით ჩატარებულ 49 მატჩში, ბრაზილიელმა 47 გოლი გაიტანა. თუმცა, პრიზის მიღების დროს, რონალდო უკვე "ინტერის" ფეხბურთლი იყო.

1964 წლის 12 იანვარს, "ვალენსიასთან" გამართულ მატში, პედრო საბალიამ ანგარიში 2:0 გახადა და ესპანეთის ჩემპიონატში, "ბარსელონას" საიუბილეო, მე-2000 გოლის ავტორი გახდა. ის თამაში კატალონიელებმა 4:0 მოიგეს.

1943 წლის 10 იანვარს, ერთ-ერთი ყველაზე დასამახსოვრებელი "ელ კლასიკო" გაიმართა. პირველ ტაიმში, "რეალი" ჯერ 1:0, ხოლო შემდეგ 2:1 იგებდა, მაგრამ შესვენებაზე გუნდები მასპინძლების, კატალონიელების უპირატესობით, ანგარიში 4:2 გავიდნენ. მე-2 ნახევრის დასაწყისში, გუნდებმა თითო გოლი გაცვალეს. საბოლოოდ, მატჩი 5:5 დასრულდა.

1995 წლის 7 იანვარს, ესპანეთის ჩემპიონატის მე-16 ტურის მატჩში, „ბარსელონა“, „სანტიაგო ბერნაბეუზე“, „რეალთან“, 0:5 განადგურდა. უკვე პირველ ტაიმში, თავი ჰეთ თრიქით გამოიჩინა ივან სამორანომ. ერთი გოლი ლუის ენრიკემ გაიტანა, რომელიც წელიწადნახევრის შემდეგ, თავისუფალი აგენტის სტატუსით, „ბარსელონაში“ გადავიდა. საინტერესოა, რომ ამ მატჩამდე ერთი წლით ადრე (1 დღის სხვაობით), „ბარსამ“ „რეალი“ 5:0 გაანადგურა.

1943 წლის 6 იანვარს, ინგლისურ ქალაქ დაგენჰემში, დაიბადა ტერი ვენეიბლზი, რომელმაც 1984-85 წლების სეზონში, მწვრთნელის რანგში, "ბარსელონას" ესპანეთის ჩემპიონატი დამაჯერებლად მოაგებინა.

1971 წელი. ესპანეთის ჩემპიონატის მე–15 ტურში "ბარსელონამ" დაამარცხა "რეალი", ანგარიშით 2:1. იოჰან ნეესკენსმა "ბარსა" წინ გაიყვანა, ხოლო შემდეგ ვისენტე დელ ბოსკემ გაათანაბრა ანგარიში. გამარჯვების გოლი კარლეს რექსაჩმა შეაგდო.

1900 წელი. ზედიზედ მესამედ პრეზიდენტის პოსტზე იქნა არჩეული უოლტერ უაილდი. ამ დღიდან ზუსტად 111 წელიწადი გავიდა.

1973 წელი. "ბარსელონას" ახალწვეული იოჰან კრუიფი ხდება ევროპის საუკეთესო ფეხბურთელი France Football–ის ვერსიით. უნდა აღინიშნოს, რომ ჰოლანდიელს "ოქროს ბურთი" ჯერ კიდევ "აიაქსში" თამაშისას ჰქონდა მოპოვებული და სწორედ ამის შემდეგ გადმობარგდა კატალონიაში.

1899 წელი. გუნდში დებიუტი ჰქონდა მომავალში გუნდის პრეზიდენტს არტურ უიტის თავის ძმასთან, ერნესტთან ერთად. მათ "კატალასთან" მატჩში მიიღეს მონაწილეობა.

1953 წელი. ფრანსესკ მირო–სანსმა გაიმარჯვა "ბარსელონას" საპრეზიდენტო არჩევნებში. მან კონკურენტ ამატ კასაიუანს სულ რაღაც 311 ხმით აჯობა. ამ დღიდან გავიდა 58 წელიწადი.