1995 წლის 30 იანვარს, ლისაბონში, ცნობილი გახდა 1994 წლის საუკეთესო ფეხბურთელის ვინაობა. გამარჯვებული "ბარსელონას" ბრაზილიელი თავდამსხმელი რომარიო გახდა, რომელმაც 346 ქულა მოაგროვა. მე-2 ადგილზე "ბარსას" კიდევ ერთი შემტევი ხრისტო სტოიჩკოვი გავიდა, რომელსაც 100 ქულა ერგო.

1980 წლის 30 იანვარს, ევროპის სუპერთასის პირველ მატჩში, "ბარსელონა" "ტოტენჰემთან", გასვლაზე, 0:1 დამარცხდა. განმეორებითი შეხვედრა 1:1 დასრულდა.

1966 წლის 29 იანვარს, რიო დე ჟანეიროში დაიბადა ლეგენდარული ბრაზილიელი ფეხბურთელი რომარიო, რომელიც "ბარსელონაში" 2 წლის განმავლობაში თამაშობდა. კატალონიელთა შემადგენლობაში ჩატარებულ 82 მატჩში მან 55 გოლი გაიტანა.

2003 წლის 28 იანვარს, ესპანეთის ჩემპიონატის პირველი წრის დასრულების შემდეგ, ლუის ვან გაალმა "ბარსელონას" მთავარი მწვრთნელის პოსტი დატოვა. პირველ 19 მატჩში, კატალონიელებს მხოლოდ 6 მოგება ჰქონდათ.

1970 წლის 28 იანვარს, "სან სიროს" სტადიონზე არსებული ძლიერი ნისლის გამო, გადაიდო ბაზრობათა თასის (ამჟამინდელი ევროპის ლიგა) 1/8-ფინალის განმეორებითი მატჩი, რომელშიც ერთმანეთს "ინტერი" და "ბარსელონა" ხვდებოდნენ. მიუხდავად იმისა, რომ იმ დროისთვის, მილანელები 1:0 იგებდნენ, ეს ანგარიში გაუქმდა და შეხვედრა მთლიანად გადათამაშდა.

1954 წლის 27 იანვარს, "საბადელის" 50 წლის იუბილესთან დაკავშირებით, "ბარსელონამ" ამ გუნდთან ამხანაგურად ითამაშა. შეხვედრა 2:2 დასრულდა.

1901 წლის 27 იანვარს, "ბარსელონამ" ოფიციალურ მატჩში თავისი პირველი გამარჯვება იზეიმა. მაკაის თასზე, "ბარსამ" "ესპანიოლი" 4:1 გაანადგურა. ოთხივე გოლი ანგარიშზე კლუბის დამაარსებელმა, ჟოან გამპერმა ჩაიწერა.

1983 წლის 26 იანვარს, ევროპის სუპერთასზე, პირველი თამაშის მინიმალური სხვაობით მოგების შემდეგ, "ბარსამ" "ასტონ ვილასთან" 0:3 წააგო. კატალონიელებმა პირველი გოლი ძირითადი დროის ამოწურვამდე 10 წუთით ადრე გაუშვეს, ხოლო დამატებით ტაიმებში, ინგლისელებმა თავი კიდევ 2-ჯერ გამოიჩინეს.

1955 წლის 26 იანვარს, "ლეს კორტესის" სტადიონზე, კატალონიის ნაკრებისა და იტალიური "ბოლონიას" დაპირისპირება გაიმართა. კატალონიელთა რიგებში დებიუტი ჰქონდა ლადისლაო კუბალას, რომელმაც 2 გოლი გაიტანა. კატალონიის ნაკრებმა თამაში 6:2 მოიგო.

1980 წელი. ტერასაში დაიბადა ჩავიერ ერნანდეს კრეუსი, ან უბრალოდ ჩავი, რომელიც 11 წლის ასაკში "ბარსელონას" ახალგაზრდულ აკადემიას შეუერთდა. "ბარსას" რიგებში ჩატარებული მატჩების მიხედვით ჩავი რეკორდსმენია.

2000 წელი. ბრიუსელში, ფეხბურთის საერთაშორისო ფედერაციამ გამოაცხადა 1999 წლის მსოფლიოს საუკეთესო ფეხბურთელის გამოსავლენად ჩატარებული კენჭისყრის შედეგები. გამარჯვებული გახდა "ბარსელონას" ბრაზილიელი ფეხბურთელი რივალდო, რომელმაც 543 ქულა დააგროვა.

1982 წელი. "ბარსელონა" ურთულეს შეხვედრაში ამარცხებს "კასტელიონს", ანგარიშით 4:3. კატალონიელების მესამე გოლი, რომელიც კუინის ანგარიშზეა, გახდა ესპანეთის ჩემპიონატში გატანილი 3000-ე გოლი კლუბის ისტორიაში.

1989 წლის 22 იანვარს, "ბარსელონასთან" კონტრაქტი რონალდ კუმანმა გააფორმა. ჰოლანდიელი, დიეგო მარადონას შემდეგ, კლუბის ისტორიაში ყველაზე ძვირადღირებული ფეხბურთელი გახდა.

1974 წლის 20 იანვარს, "რასინგთან" სტუმრად ჩატარებულ შეხვედრაში, "ბარსელონამ" 3:1 მოიგო. ჰიუგო სოტილი, რომელმაც მე-3 ბურთი გაიტანა, "ბარსელონას" ისტორიაში, ესპანეთის ჩემპიონატაში გატანილი 2500-ე გოლის ავტორი გახდა. 

2009 წლის 19 იანვარს, "ბარსელონამ" ადგილსამყოფელი შეიცვალა. ამ დღიდან მოყოლებული, ვარჯიშები არა "ლა მასიაზე", არამედ "სიუდად დეპორტივა ჟოან გამპერზე" ტარდება. სპორტული კომპლექსი სტადიონიდან რამდენიმე კილომეტრითაა დაშორებული და იგი 10.000 კვადრატულ მეტრს იკავებს.

1998 წლის 19 იანვარს, ესპანეთის ჩემპიონატის 21-ე ტურის მატჩში, "ბარსელონა" "ვალენსიას" 3:0 ამარცხებდა, მაგრამ კატალონიელებმა თამაში 3:4 წააგეს. (ვიდეო)