ინტერვიუ არტურო ვიდალთან
"ბარსელონას" ოფიციალური ვებგვერდი გვთავაზობს ინტერვიუს კლუბის ახალწვეულ არტურო ვიდალთან, რომელშიც ჩილელი ფეხბურთელი რამდენიმე საინტერესო თემაზე საუბრობს.
"კამპ ნოუზე" თამაშის შესაძლებლობა აქამდე არ მქონია და ამას მოუთმენლად ველი. საოცარი მომენტი იყო, როცა ამ მოედანზე პირველად გავედი, ახლა კი, იმედი მაქვს, გატანასაც მოვახერხებ და გულშემატკივრების პატივისცემასაც მალე დავიმსახურებ. გუნდის ნამდვილი წევრი მხოლოდ თამაშების ჩატარების შემდეგ ვიქნები.
აქამდე მოსასვლელად დიდი თავდადება გამოვიჩინე და მინდა ყველას ვანახო, საიდან მოვდივარ. ყველაფერი, რაც ვიცი მინდორზე ვისწავლე, რაც ადვილი საერთოდ არაა და ამით ვამაყობ.
თავიდან, სახიფათო უბანში ვცხოვრობდი. ხუთ ძმას ძალიან მძიმე ბავშვობა გვქონდა, ჩვენზე მხოლოდ დედა ზრუნავდა და მისი დამსახურებაა, რომ წარმატებას მივაღწიე და ახლა შემიძლია, კარგი ცხოვრება სხვებსაც ვაჩუქო.
"კოლო კოლოს" აკადემიაში ჩარიცხვა 12 წლამდე ვერ მოვახერხე. როცა ეს პირველად ვცადე, გავიგე, რომ ამას ხარჯიც სჭირდებოდა, ჩვენ კი ფორმების ყიდვისთვის და მგზავრობისთვის ფული არ გვყოფნიდა.
ჩემი აზრით, მსოფლიოს საუკეთესო ფეხბურთელი ლიონელ მესია. მიხარია, რომ მასთან და კლუბის სხვა შესანიშნავ წევრებთან ერთად თამაშის შანსი მომეცა".
ამ სიახლეზე კომენტარები გათიშულია.
კომენტარები [ 7 ]