ოფიციალურად: ხოსე არნაისი "ლეგანიესში" გადადის
ხოსე არნაისი, რომელსაც ცოტა ხნის წინ დიდ მომავალს უწინასწარმეტყველებდნენ და რომელსაც ერნესტო ვალვერდეც კი აქებდა, "ლეგანესში" გადადის. ინფორმაცია "ბარსელონას" ოფიციალურმა ვებგვერდმა დაადასტურა.
"ბარსელონა" 5 მილიონ ევროს მიიღებს, რასაც, სამომავლოდ, ბონუსების სახით, ნახევარი მილიონი დაემატება. "ბარსელონა" ფეხბურთელის გამოსყიდვის უფლებას იტოვებს, მაგრამ უცნობია, რა თანხის სანაცვლოდ. გარდა ამისა, "ბარსელონა" არნაისის სატრანსფერო უფლებების მხოლოდ 50%-ს ყიდის, რაც იმას ნიშნავს, რომ თუ "ლეგანესმა" მომავალში 23 წლის მოთამაშე გაასხვისა, ტრანსფერის თანხის ნახევარი "ბარსას" შეხვდება.
ხოსე არნაისი "ბარსა ბ"-ში 2017 წელს, "ვალიადოლიდიდან" ჩაირიცხა. გასულ სეზონში, კატალონიელთა მეორე გუნდში, მან 20 თამაში ჩაატარა და 6 გოლი გაიტანა, ხოლო პირველ გუნდში გამართულ 5 შეხვედრაში ფეხბურთელს 3 გოლი დაუგროვდა.
ამ სიახლეზე კომენტარები გათიშულია.
კომენტარები [ 20 ]