ოფიციალურად: მუსა ვაგე "ბარსელონაში" გადმოდის

რამდენიმე წუთის წინ, "ბარსელონამ" 19 წლის სენეგალელი მარჯვენა მცველის, მუსა ვაგეს ტრანსფერი ოფიციალურად დაადასტურა.

"ბარსელონამ" და ბელგიურმა "ეიპენმა" შეთანხმებას უკვე მიაღწიეს. ფეხბურთელმა სამედიცინო შემოწმება დღეს დილით გაიარა, ახალ თანაგუნდელებთან ერთად ვარჯიშს კი ის შაბათს საღამოს შეუდგება.

როგორც დაანონსებული იყო, ვაგე "ბარსელონა ბ"-ს რიგებში ჩაირიცხა. იგეგმება, რომ ერნესტო ვალვერდე მას პირველ გუნდში, ნელსონ სემედუს რეზერივისტადაც გამოიყენებს.

გარიგების ფინანსური დეტალები არ ხმაურდება. ცნობილია, რომ ვაგე კატალონიურ კლუბთან კონტრაქტს უახლოეს დღეებში გააფორმებს.

მუსა ვაგე "ეიპენში" 2017 წლიდან თამაშობს. ბელგიის ჩემპიონატში მან 40 შეხვედრა ჩაატარა და 1 გოლი გაიტანა. მიუხედავად იმისა, რომ ვაგე ჯერ მხოლოდ 19 წლისაა, მან სენეგალის ნაკრებში უკვე 12 შეხვედრის ჩატარება და 1 გოლის გატანა მოასწრო.