როგორ გადაიბირა "ბარსელონამ" მალკომი
კატალონიური Sport-ის მიერ გავრცელებული ინფორმაციით, მალკომის "ბარსელონაში" გადასვლა იმდენად მოულოდნელი არ ყოფილა, როგორც ეს ერთი შეხედვით ჩანს.
გუშინწინ, "რომამ" მალკომის "ბორდოდან" ყიდვა დაადასტურა, მაგრამ გუშინ, ფეხბურთელმა კონტრაქტი "ბარსელონასთან" გააფორმა. როგორც ირკვევა, კატალონიური კლუბი 21 წლის ფეხბურთელის წარმომადგენლებთან მოლაპარაკებებს მანამდეც აწარმოებდა.
ესპანელი ჟურნალისტების ცნობით, 2 კვირის წინ, ბარსელონაში მდებარე სასტუმრო Hotel Arts-ში, კლუბისა და ფეხბურთლის წარმომადგენლების შეხვედრა შედგა. ამ შეხვედრის დროს, "ბარსელონამ" მალკომის მიმართ ინტერესი დაადასტურა, მაგრამ ვინაიდან კლუბის პრიორიტეტი "ჩელსიდან" ვილიანის გადაბირება იყო, საქმე ამაზე შორს აღარ წასულა. მალკომის წარმომადგენელმა კი "ბარსა" გააფრთხილა, რომ ფეხბურთელით სერიოზულად იყო დაინტერესებული "რომა" და თუ ესპანელებს ბრაზილიელის შეძენა სურდათ, უნდა ეჩქარათ.
"ბარსელონამ" მალკომის მიმართ ინტერესი ცოტა ხნის წინ განაახლა. ამას 2 მიზეზი ჰქონდა - "ჩელსის" მიერ ვილიანში მოთხოვნილი დიდი თანხა და "რომას" მიერ ტრანსფერის დაჩქარება. საბოლოოდ, "ბარსამ" "რომას" აჯობა და ახალგაზრდა ტალანტი 41 მილიონ ევროდ გადაიბირა.
ამ სიახლეზე კომენტარები გათიშულია.
კომენტარები [ 8 ]