"ბარსელონა" დემბელეს გაყიდვას არ აპირებს
"ბარსელონა" ახალგაზრდა თავდამსხმელის, უსმან დემბელეს გაყიდვას არ აპირებს, იტყობინება Mundo Deportivo.
წყაროს ინფორმაციით, კატალონიური კლუბის ხელმძღვანელობა 21 წლის მსოფლიო ჩემპიონის ტრანსფერზე არცერთ შემოთავაზებას არ განიხილავს.
დემბელემ გასული სეზონის დიდი ნაწილი ტრავმის გამო გამოტოვა, მაგრამ კლუბში ფრანგის სჯერათ. "ბარსა" აფასებს მის ტექნიკას, დიდ პლიუსს ასევე მისი ასაკი წარმოადგენს.
ადრე გავრცელდა ინფორმაცია, რომ "ლურჯ-ბროწეულისფერებს" ედენ აზარის ტრანსფერში დემბელეს ჩართვა სურდათ. ასევე იყო ინფორმაცია, რომ ფრანგი ფეხბურთელი, შესაძლოა, იჯარით ლონდონის "არსენალში" გადავიდეს.
შეგახსენებთ, რომ უსმან დემბელე "ბარსელონაში" გასულ ზაფხულს, დორტმუნდის "ბორუსიადან", 105 მილიონ ევროდ გადავიდა.
ტეგები
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 4 ]