"ბარსელონა" მუნირთან 5-წლიანი კონტრაქტის გაფორმებას გეგმავს
"ბარსელონა" გუნდის ახალგაზრდა თავდამსხმელის, მუნირ ელ ჰადადის კონტრაქტის 5 წლით გახანგრძლივებას გეგმავს. ამ ინფორმაციას Mundo Deportivo ავრცელებს.
მუნირს ხელშეკრულება ერთ წელიწადში ეწურება. აქამდე არსებული ცნობებით, კატალონიელებს სურდათ, 22 წლის შემტევთან კონტრაქტი იმ მიზნით გაეხანგრძლივებინათ, რომ შემდეგ ის სარფიანად გაეყიდათ. ბოლო ინფორმაციით კი, არაა გამორიცხული, მუნირი "ბარსაში" დარჩეს. ერნესტო ვალვერდე მასსა და პაკო ალკასერს შორის არჩევანს გააკეთებს.
მუნირი "ბარსელონას" სკოლის აღზრდილია. კატალონიელთა პირველ გუნდში ის 2014 წლიდან გამოდის. გასული 2 სეზონის განმავლობაში ფეხბურთელი ჯერ "ვალენსიაში", შემდეგ კი "ალავესში" იყო განათხოვრებული. ამ ორ წელიწადში ჩატარებულ 72 მატჩში მან 21 გოლის გატანა მოახერხა.
ტეგები
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 14 ]