ერიკ აბიდალის პრესკონფერენცია
"ბარსელონას" სპორტულმა დირექტორმა, ერიკ აბიდალმა, არტურის პრეზენტაციის დროს, რამდენიმე საინტერესო საკითხზე ისაუბრა.
პაულინიო
"პაულინიოს ტრანსფერი, ეკონომიკურად, კლუბისთვის ძალიან მომგებიანია. თუმცა, გადაწყვეტილება მან მიიღო და არა ჩვენ.
მისი შემცვლელი? გუნდის ამჟამინდელ ნახევარმცველებს პატივს ვცემთ. დაგვემატა არტურიც. კონკურენტუნარიანი შემადგენლობა გვყავს, რომელმაც გასულ სეზონში დუბლი მოიგო."
ადრიან რაბიო
"რამდენიმე მიმართულებით ვმუშაობთ და ინფორმაცია მხოლოდ მაშინ გავაოფიციალურებთ, როდესაც რომელიმე ფეხბურთელს გავიფორმებთ. სამუშაო ბევრია, მაგრამ აქცენტს იმ ბირთვზე ვაკეთებთ, რომელიც გვყავს."
თავდამსხმელი
"უპირველესად, საკუთარ შემადგენლობას გავაანალიზებთ. ვნახოთ, რა გადაწყვეტილებას მივიღებთ. ერთმა თავდამსხმელმა ჩვენთან გადმოსვლაზე უარი თქვა, მაგრამ მუშაობას განვაგრძობთ."
წამსვლელები
"თუ ყველაფერი სტაბილურად წავიდა, გუნდს ფეხბურთელები კიდევ დატოვებენ.
სეზონი გრძელია. რამდენიმე ფეხბურთელს უნდა დაველაპარაკოთ. მათ მოქმედი კონტრაქტები აქვთ და ისინი ბედნიერები არიან. გადაწყვეტილებას კლუბი იღებს, მაგრამ ჯერ ფეხბურთელებს უნდა გავესაუბროთ."
ედენ აზარი
"ამ საკითხზე თავად ფეხბურთელს უნდა ჰკითხოთ. ჩვენ არ ვსაუბრობთ ფეხბურთელებზე, რომლებიც ჩვენს კლუბში არ არიან."
ღვიძლის გადანერგვა
"ახლა ამაზე საუბრის დრო არაა. რაც სათქმელი მქონდა, ყველაფერი სოციალური ქსელის საშუალებით ვთქვი. ესაა ჩემი ისტორია და ის არასდროს შეიცვლება." - ციტირებს აბიდალის სიტყვებს Mundo Deportivo.
ამ სიახლეზე კომენტარები გათიშულია.
კომენტარები [ 4 ]