SPORT: „ბარსა“ 2 ნახევარმცველს დაიმატებს?

"ბარსელონა" ანდრეს ინიესტას წასვლის შემდეგ, ნახევარდაცვის გაძლიერებაზე ზრუნვას აგრძელებს, იტყობინება Sport.

კატალონიელებს არტურ მელო შეუერთდა და სავარაუდოდ, ახლო მომავალში გუნდს ადრიენ რაბიოც შეემატება.

"ბლაუგრანას" სპორტული დირექტორი, ერიკ აბიდალი გაჩერებას არ აპირებს. ფრანგი თვლის, რომ კრეატიული ნახევარმცველის გაფორმება აუცილებელია, გუნდში გადმოსვლის ერთ-ერთი კანდიდატი კი "ბაიერნის" მოთამაშე, ტიაგო ალკანტარაა.

გავრცელებული ინფორმაციით, მიუნხენელები ესპანელი ნახევარმცველის ტრანსფერის სანაცვლოდ 70 მილიონ ევროს ითხოვენ.