MD: პაულინიომ "გუანჩჟოუ ევერგრანდში" დაბრუნება გადაწყვიტა
Mundo Deportivo-ს მიერ გავრცელებული ინფორმაციის თანახმად, "ბარსელონას" ნახევარმცველმა, პაულინიომ, ჩინურ "გუანჩჟოუ ევერგრანდში" დაბრუნება გადაწყვიტა.
კატალონიური წყაროს ცნობით, პაულინიო მსოფლიო ჩემპიონატიდან გამოვარდნის შემდეგ ყაზანიდან, "ბარსელონას" ხელმძღვანელობასთან მოსალაპარაკებლად, კატალონიაში გაფრინდა. გავრცელებული ინფორმაციით, ჩინელები კატალონიურ კლუბს 50 მილიონ ევროს გადაუხდიან, 29 წლის ფეხბურთელი კი 4-წლიან კონტრაქტს გააფორმებს და წელიწადში 14 მილიონ ევროს მიიღებს.
ცნობილია, რომ გარიგებით ორივე მხარე კმაყოფილი დარჩება. "ბარსელონას" სატრანსფერო თანხა აკმაყოფილებს, ფეხბურთელს კი - ხელფასი.
კატალონიელებმა პაულინიო გასულ წელს სწორედ "გუანჩჟოუ ევერგრანდიდან" 40 მილიონ ევროდ შეიძინეს. მან ესპანეთის ჩემპიონატში 34 მატჩი ჩაატარა, 9 გოლი გაიტანა და 3 შედეგიანი გადაცემა გააკეთა.
ამ სიახლეზე კომენტარები გათიშულია.
კომენტარები [ 9 ]